ഒരു സ്പൂൺ വെളിച്ചെണ്ണയിൽ ഫെയ്സ് സ്ക്രബ് തയ്യാറാക്കാം, ഇവ രണ്ടും ഒപ്പം ചേർക്കൂ

ചർമ്മത്തെ വെയിലിൽ നിന്നും അൾട്രാ വയലറ്റ് രശ്മികളിൽ നിന്നും സംരക്ഷിക്കണോ? ധാരാളം ആൻ്റി ഓക്സിഡൻ്റ് സവിശേഷതകളുള്ള വെളിച്ചെണ്ണ വെയിൽ ഏൽക്കുന്നതു മൂലമുള്ള ചുവപ്പ് കുറയ്ക്കാൻ സഹായിക്കും. അതുമാത്രമല്ല വെളിച്ചെണ്ണ ഉപയോഗിക്കുന്നതിന് മറ്റ് പല ഗുണങ്ങളുമുണ്ട്.

വെളിച്ചെണ്ണ ഫാറ്റി ആസിഡുകളുടെ ഉറവിടമാണ്. അത് ചർമ്മത്തെ മോയ്സ്ച്യുറൈസ് ചെയ്യുന്നതിന് സഹായിക്കും.​ ഇതിലൂടെ ചർമ്മം അമിതമായ വരണ്ടു പോകുന്നതു തടയാം. വെളിച്ചെണ്ണ ഒരു സൺസ്ക്രീനായി ഉപയോഗിക്കാം. ഇതിലൂടെ ചൊറിച്ചിൽ ചുവപ്പ് പാടുകൾ എന്നിങ്ങനെ വെയിൽ ഏൽക്കുന്നതു മൂലം ഉണ്ടാകുന്ന പ്രശ്നങ്ങളെ തടഞ്ഞു നിർത്താൻ സഹായിക്കും.

ഇതിൽ അടങ്ങിയിരിക്കുന്ന ആൻ്റി ഇൻഫ്ലമേറ്ററി സവിശേഷതകൾ മുഖക്കുരു ഉണ്ടാകുന്നത് തടയും. എന്നാൽ അമിതമായി ഉപയോഗിക്കുന്നത് മുഖക്കുരുവിന് കാരണമാകും. 

Also Read: മേക്കപ്പ് റിമൂവർ വാങ്ങി പോക്കറ്റ് കാലിയാക്കേണ്ട, വീട്ടിലുള്ള ഈ​ ചേരുവകൾ ഉപയോഗിക്കൂ

ചർമ്മാരോഗ്യത്തിന് പ്രധാനമായ വിറ്റാമിൻ ഇ വെളിച്ചെണ്ണയിൽ അടങ്ങിയിട്ടുണ്ട്. ഇത് ചർമ്മ ഹൈഡ്രേറ്റ് ചെയ്യും. മാത്രമല്ല 20 ശതമാനം അൾട്രാവയലറ്റ് രശ്മികളെയും തടയാൻ ഇത് സഹായിക്കും.

ഇത്രയേറെ ഗുണങ്ങളുള്ള വെളിച്ചെണ്ണ ഉപയോഗിച്ച് ഒരു മികച്ച് ഫെയ്സ് സ്ക്രബ് തയ്യാറാക്കാം. ചർമ്മം തിളക്കമുള്ളതും സോഫ്റ്റുമാക്കാൻ ഇത് ഏറെ സഹായിക്കും. 

Also Read: ചർമ്മം പൂപോലെ സോഫ്റ്റാകാൻ ഒരു നുള്ള് മഞ്ഞൾപ്പൊടി മതി; ഇത് ട്രൈ ചെയ്യൂ

ചേരുവകൾ 

• കാപ്പിപ്പൊടി- 1/2 കപ്പ് 
• വെളിച്ചെണ്ണ- 1/4 കപ്പ്
• വിറ്റാമിൻ ഇ ക്യാപ്സൂൾ- 1

Also Read: പതിവായി ഫേഷ്യൽ ചെയ്യേണ്ട, ഇനി തൈര് ഉണ്ടെങ്കിൽ മിനിറ്റുകൾക്കുള്ളിൽ ചർമ്മം തിളങ്ങും

തയ്യാറാക്കുന്ന വിധം

• ഒരു ബൗളിലേയ്ക്ക് അര കപ്പ് കാപ്പിപ്പൊടിയെടുക്കാം. അതിലേയ്ക്ക് കാൽ കപ്പ് വെളിച്ചെണ്ണയും, ഒരു വിറ്റാമിൻ ഇ ക്യാപ്സ്യൂൾ പൊട്ടിച്ചതും ചേർത്തിളക്കി യോജിപ്പിക്കാം.
• ഇത് ഒരു തവണ പാച്ച് ടെസ്റ്റ് ചെയ്തു നോക്കാം. 
• അലർജിയോ മറ്റ് ബുദ്ധിമുട്ടുകളോ ഇല്ലെന്ന് ഉറപ്പാക്കിയതിനു ശേഷം മുഖത്ത് പുരട്ടാം. 
• ക്ലെൻസ് ചെയ്ത മുഖത്ത് ഈ സ്ക്രബ് പുരട്ടി 5മിനിറ്റ് മൃദുവായി മസാജ് ചെയ്യാം. 15 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദിവസവും ഉറങ്ങുന്നതിനു മുമ്പ് ഈ ക്രീം പുരട്ടൂ, കണ്ണിനു ചുറ്റുമുള്ള കറുപ്പും ചുളിവുകളും അകറ്റാം